Les mots surlignés font l'objet d'une note
1XX-206 Claret, Louis,seigneur de Truchenu et d’Esparron, à Aubert de Rousset, Valréas, 02 mars 1573.
2Copie de la lettre de Monsieur de
3Truschenus à Monsieur de Rousset
4Monsieur, sans que monsieur de La Touche ma bien asseuré
5fère entendre comme je ay sceu de bonne part et par ung de mes amys
7qui a esté aultresfoys de la religion quil a parlé à ung homme
8despeché par ceulx de la religion au Capitaine Coste quest dans
9Horenges pour entendre de luy sil vouldroit prendre la charge
10du gouvernement de Pignerol, layant despeché ceulx de ladite
11religion deputé à ce pour lavoyr cognu homme digne de ceste
12charge là et aussy pour estre estroppié ne pouvant ailleurs ; et maiant
13bien asseuré cedit mien amy que ceulx de la religion ont
14intelligence sus ledit lieu de Pignerol quilz le tiennent
15pour tout asseuré à eux en faisant grand estat pour raisons
16des munitions et artillerie qui sont dedans et sans que ie
17masseurey bien que ma lettre vous treuveroyt encores au Montellimar,
18javoys deliberé envoier ung homme tout exprès et en diligence
19à monsieur de Gordes, pour le tenir adverty de ce faict, comme
20estant chose tant importante pour le service du roy et aussy
21le susdit ma bien assuré quil y aura quelque remuement en
23Dauphiné. Je doubte que ledit Pignerol ne soit bien toust saysi
24et quil seroit besoing y envoyer soudain ; et lasseurance que jay
25en tiendrez adverti monsieur de Gordes, est cause que
26ne la vous feray plus longue si nest pour vous supplier
27croire quil nia gentilhomme en France qui de meilleur
28cueur vous face service quand il vous plairra me faire
29de pouvoyr le vous offrant daussy bon cueur que ie
31vous presente etc. De Vaulreas, ce IIe mars et au dessobz
32Votre plus humble ami à vous faire service Truschenus